Әдеби жұмбақтар

Аяғы бар, өздігінен жүрмейді,
Жүру үшін біреу келіп сүйрейді.
Жауап
Арба

Үй ішінде
Отыз екі батыр.
Кіргендерді
Отап, турап жатыр.
Жауап
Тіс

Жерде жүрер жөні жоқ,
Судан басқа жолы жоқ.
Жауап
Қайық

Жүреді мұхиттарда,
Балық деме.
Жаны бар,
Сияқты бір алып кеме.
Жауап
Кит

Кигізіп ап ұзын жіпті көзіне,
Киім тігіп береді ол өзіңе.
Жауап
Ине

Есек те емес, ат та емес,
Екеуіне жат та емес.
Жауап
Қашыр

Желмен ұшып жетеді,
Желмен ұшып кетеді.
Жауап
Бұлт

Аяғы жоқ, қолы жоқ,
Атылады, оғы жоқ.
Жауап
Оқ жылан

Айнымайды шыныдан,
Қорқады тек жылыдан.
Жауап
Мұз

Жалғыз ғана иық,
Тұрады киім киіп.
Жауап
Киім ілгіш

Бұрап қойған сағаттай,
Айқайлайды таң атпай.
Жауап
Әтеш

Күші десең, күші бар.
Тісі десең, тісі бар.
Торуылдап ауылды,
Түнде жортар ісі бар.
Жауап
Қасқыр

Қалқиған ұзын құлағы,
Елеңдеп қорқып тұрады.
Жауап
Қоян

Дауыл дәнді ұшырып,
Шарлар жауды аспаннан.
Шекемізді ісіріп,
Қаштық үйге сасқаннан.
Жауап
Бұршақ

Орақ болып туады,
Табақ болып тұрады.
Жауап
Ай

Бір ғана есігі бар,
Жүздеген тесігі бар.
Ішіне түскендердің
Ұсағы жол табады,
Ірісі тор қабады.
Жауап
Елеуіш

Айтқаныңды айнытпай
Қайталайды өзіңе.
Тіл қатқанмен қаймықпай,
Көрінбейді көзіңе.
Жауап
Жаңғырық

Сулы жерді мекендеп,
Құрлықта да секеңдеп.
Шыбын-шіркей аңдиды,
Жемге қашан жетем деп
Жауап
Бақа

Жайшылықта жекесің,
Қарай қалсаң – екеусің.
Жауап
Айна

Қос қанатын иіп ап,
Жарға келіп қонады.
Қара киім киіп ап,
Балшықтан үй соғады.
Жауап
Қарлығаш

«
1
2
3
4
5
6
7
8
»