Әдеби жұмбақтар

  • Борп-борп борпылдақ,

    Борпылдақта қызыл тақ.

    Қызыл тақта үш тармақ,

    Үш тармақта шұқыршақ,

    Шұқыршақта бал қаймақ,

    Балқаймақта сұр жайдақ,

    Сұр жайдақта сері бойдақ.

    Жауап

  • Он екі бием бар еді, алтауы буаз,

    Екеуі неғайбыл, екеуі тесік өкпе,

    Екеуі күн қақты.

    Жауап

  • Елқорғайтын ерліке

    Әуенімен шақырған.

    Батылдыққа, елдікке

    Әуенімен шақырған.

    Жауап

  • Торы тай,

    Табанында төрт ай.

    Жауап

  • От ішінде үш таяқ,

    Үшеуі де күшті аяқ.

    Ортасында ілгегі.

    Ілгегінде ілгені.

    Жауап

  • Алыстан қарасам аппақ,

    Татып қарасам тәтті-ақ.

    Жауап

  • Нәрселерді санағанда,
    Керек ол бізге ауадай
    Айтыңдаршы бұл қандай сан
    Жан жағыңа қарамай?

    Адина Қуанышева (Атырау қаласы, 13 жаста)

    Жауап

  • Төрт қанат, алты қанат, сегіз қанат,
    Жалғай бер әрі қарай оны санап.
    Саны өссе, үйің және кеңейеді,
    Атын тапшы сол заттың, ал, азамат.
    Жауап

  • Бұл заттың үлкен екен мәнісі тым,
    Күн түсіп және одан шығар түтін.
    Ел таңбадан орнықты орын алған,
    Мақтаныш ол, қуанар елім, ұлтым.
    Жауап

  • Баспана көшпендіге өте ыңғайлы,
    Әдемі мекен екен, жанға жайлы.
    Тентектік істеп қойсаң, әке-шешең,
    Сені тағы бұрышқа қоя алмайды.
    Жауап

  • Асқақтатып Сарыарқа даламды,
    Ерлік ісі үлгі болған бабамды.
    Оң қолымен ұстап тұрып жүрегін,
    Бүкіл елім осы әнге салады.
    Жауап

  • Шөкім бұлт жоқ, көгілдір ашық аспан,
    Жарқырайды алтын күн нұрын шашқан.
    Бостандықтың белгісі, қыран-бүркіт,
    Ою-өрнек мегзейді, бұл Қазақстан.
    Жауабын бұл жұмбақтың тез табады,
    Ұшқыр ойлы болса адам, елден асқан.
    Жауап

  • Шаңырақ – күн,
    Уықтары-нұр,шашқан.
    Екі пырақ, көк аспанға ұласқан.
    Жарқырайды темірқазық жұлдызы,
    Жол көрсетіп, алға бас-деп, Қазақстан!
    Жауап

  • Ыстық дейді оны оттан,
    Патриот оны ұнатқан.
    Оңбайды бұл өмірде,
    Адам оны жоғалтқан.
    Жауап

  • Өмірде аса қажет он белгі анық,
    Біледі оны жастан барлық халық.
    Қосылып бір-біріне кете берсе,
    Болады қиял жетпес ол бір алып.
    Жауап

  • Байқасаң қырық екі бар болғаны,
    Қосылып бір-біріне сөз қозғады.
    Он бесінің кәдімгі дауысы бар,
    Жиырма бесі дауыссыз ым жолдады.
    Екеуі үнсіз-түнсіз мылқау нағыз,
    Тоғызы шеттен келді, қабылдаңыз.
    Тоғызы ерекше бір көрік берер,
    Шешуін жұмбағымның ал табыңыз.
    Жауап

  • Егіз қайың,
    Бой-бастары тең өскен.
    Іске дайын,
    Бұтақтары бес-бестен.
    Жауап

  • Бір малға екі бала мінгеседі,
    Айлап-жылдап түспестен күн кешеді.
    Жауап

  • Тоқпаққа тоямын,
    Онсыз аян жүрмесім.
    Біріктіріп қоямын
    Екі заттың іргесін.
    Жауап

  • Алдымен де, артымен де жүреді,
    Еңбекшілін елдің бәрі біледі.
    Жауап