Әдеби жұмбақтар

Инесі жоқ, жібі жоқ,
Өрмегі жоқ, тіні жоқ.
Бірақ шілтер тоқиды.
Жауап
Өрмекші

Суға батпайды,
Отқа жанбайды.
Жауап
Мұз

Үш-төрт қана тісі бар,
Шөп көтерер күші бар.
Жауап
Айыр

Сөйлеуді ол білмейді,
Бірақ: «Тоқта!» «Жүр!» – дейді.
Жауап
Бағдаршам

Қамыс құлақ,
Қасқыр сирақ.
Серке құйрық,
Қашса, жүйрік.
Жауап
Қоян

Қамыс құлақ,
Қасқыр сирақ.
Серке құйрық,
Қашса, жүйрік.
Жауап
Қоян

Түсі қызыл қан екен,
Тәттілігі бал екен.
Қызыл, қара ішінде
Қыруар тас бар екен.
Жауап
Қарбыз

Жетпіс аяқ бауырында,
Екі қолы жауырында.
Тындырады істің ол
Жеңілін де, ауырын да.
Жауап
Ағаш кесетін ара

Алыстағы қоянды,
Алдыңа әкеп қояды.
Жауап
Дүрбі

Сансызбыз,
Жансызбыз
Мың-мыңбыз.
Жасырынбақ ойнаймыз
Күндіз біз.
Жауап
Жұлдыз

Сөйлесесің әркіммен,
Естілмейді дыбысың,
Білінбейді бір ісің.
Жауап
Түс

Гүл секілді
Қызарады, көктейді,
Күн секілді,
Бірақ нұрын төкпейді.
Жауап
Күнбағыс

Аяғы бар, жүрмейді,
Аузы бар, күлмейді.
Айнымайды бөпемнен
Тек сөйлеуді білмейді.
Жауап
Қуыршақ

Бір кісінің он екі баласы бар,
Іштерінде ақ, сары, қарасы бар.
Әр баласы сапарға шыққан сайын,
Отыз шақты серігін ала шығар.
Жауап
Жыл мен он екі ай

Ұшады,
Қонады,
Гүлдердің қонағы.
Қысыңда көрінбей,
Жазыңда болады.
Түр-түсі сары ала,
Не нәрсе? –
Жауап
Бал ара

Арқалаған шатырын,
Аяңдаған ақырын.
Жауап
Тасбақа

Менен өзі аумайды,
Менен көзін алмайды.
Жауап
Айнадағы бейне

Қыста келген,
Көктемде кеткен.
Көрпе боп жатқан,
Жылға боп аққан.
Жауап
Қар

Ақ қонақ,
Қара қонақ, –
Бірін-бірі қуады,
Кезек келіп тұрады.
Жауап
Күн мен түн

Күмбірлетіп тау ішін,
Қайталанды дауысым.
Жауап
Жаңғырық

«
1
2
3
4
5
6
7
8
»