Әдеби жұмбақтар

Пайдаға жарады
Отынсыз жанады.
Жауап
Газ

Бұрасаң құлағын,
Ағады бұлағы.
Жауап
Кран

Көрмедім еш үйіңді
Қолданбас бұл бұйымды.
Жазып қыртыс-тыртысын,
Қонымды етер киімді.
Жауап
Үтік

Дәмі де жоқ, түсі жоқ.
Пайдаланбас кісі жоқ.
Жауап
Су

Сауытын шештім сақтанған,
Көрінбеді ақ тоннан.
Ақ тонын да шешіп ем,
Сары тон шықты ішінен.
Сары тонын шешіп ем,
Түк таппадым ішінен.
Жауап
Жұмыртқа

Аспанда бір ана бар,
Маңы толған балалар.
Жауап
Ай мен Жұлдыздар

Үзеңгісіз ерге еппен мінеді,
Жерді баспай екі аяқпен жүреді.
Есті бала бұл жұмбақтың шешуін
Қиналмай-ақ түсінеді, біледі.
Жауап
Велосипедші

Жымыңдатып көздерін,
Түнде алыстан жанады.
Таң атқанда өздері
Жасырынып қалады.
Жауап
Жұлдыздар

Отыз екі тас қайрақ,
Бірін-бірі шыңдайды.
Қызыл сөз бен асты ойлап,
Сумаң қызыл тынбайды.
Жауап
Тіс, тіл

Аласы бар, қарасы ба, ағы бар,
Пышақ тисе, қып-қызыл боп жарылар.
Жауап
Қарбыз

Жарыссаң сенен озбайды,
Бауырын жерден жазбайды.
Жүрген кезде: «Тр-тр», – деп,
Атын айта жаздайды.
Жауап
Трактор

Дыз-дыз етіп жүрегі,
Сымнан ұстап жүреді.
Өзіне адам мінеді,
Ол не, ал, кім біледі?
Жауап
Троллейбус

Күн суытып, қар түссе,
Үстін бассаң, батпайсың.
Жаз кезінде, тал түсте
Іздесең де, таппайсың.
Жауап
Мұз

Еленбейді көбінде,
Босағада тұрады.
Қиқым жатса төрінде,
Ұнатпайды, қуады.
Жауап
Сыпырғыш

Суды жақсы көреді,
Одан шықса өледі.
Жауап
Балық

Атқаратын
Әжептәуір ісі бар,
Ауызы жоқ, тісі бар.
Жауап
Тарақ

Ұрлап ішіп,
Үйде сүтті қоймайды,
Өз құйрығын өзі қуып ойнайды.
Жауап
Мысық

Кереуеттің тұсына ілген,
Айнымайды түсі гүлден.
Үйдің ішін жайнатады.
Қадірін тек кісі білген.
Жауап
Кілем

Темір қайшы – қос қайшы,
Шығыршықсыз бос қайшы.
Еңбеккерге дос қайшы,
Еріншекке қас қайшы.
Өтпейді бір бос күні,
Ол? –
Жауап
Сағаттың қос тілі

Бір-бірімен қорап-үйлер тіркесіп,
Қос сүрлеумен әрі-бері жүр көшіп.
Жауап
Вагондар

«
1
2
3
4
5
6
7
8
»