«Qazaq Air» әуе компаниясы халықаралық бағытта жолаушы тасымалдайды, деп хабарлайды akparat.com сайты.
Бұл ақпарат Азаматтық авиация комитетінің ресми сайтында жарияланды.
Азаматтыз авиация комитеті:
«Конкурс комиссиясының «Qazaq Air» әуе компаниясы өтініштерін қарауы нәтижесінде компанияға халықаралық әуе бағыттарына ұшуға рұқсат куәлігі берілді. «Qazaq Air» әуе компаниясы халықаралық әуе тасымалын жүзеге асыруды жоспарлап отыр», - деген мәлімдеме жасады.
Әуе компаниясының алғашқы халықаралық рейсі 21 наурыз күні Алматы – Бішкек бағытында болмақ. Сондай-ақ, «Qazaq Air» ұшақтары аптасына 2 рет көршілес мемлекеттерге қатынайды.
«Qazaq Air» әуе компаниясы ұсынатын халықаралық әуе рейстері:
Алматы - Бішкек - Алматы;
Алматы - Ош - Алматы;
Атырау - Астрахан - Атырау;
Атырау - Минеральные Воды - Атырау;
Атырау - Тбилиси - Атырау;
Ақтау - Тбилиси - Ақтау;
Ақтау - Грозный - Ақтау;
Өскемен- Новосібір - Өскемен.
