Сұрақ: Кейде миымыз қатып кетеді, басымызға бәле келіп немесе бір нәрседен қорқамыз, қарызымызды өтей алмай қиналамыз. Бұлардан құтылу үшін бір дұға бар ма?
Жауап: Әрбір дерттің дауасы, шарасы бар. Аллаһу та’ала шарасыз дерт жаратпаған. Өмір сүру, мал-мүлік иесі болу секілді дүние ниғметтерінің барлығы үшін себептер жаратқан. Себептерін орындамаған адам бұл ниғметтерден әлбетте махрұм қалады. Ахырет ниғметтеріне қауышу да осылай. Мәселен жалқаулықтың дәрісі намаз оқу. Адам басына түскен келеңсіз жағдайларда ғафыл (енжар, бос) болмай шарасына қарауы керек.
1) Юнус алейһиссаламның оқыған дұғасын оқу керек. Хадис шәрифтерде былай делінеді:
«Дерт және бәле келгенде Юнус нәбидің оқыған “Лә илаһә иллә әнтә субханәкә инни кунту минәззалимин” зікірін айтқан адам дерт және бәледен құтылады.» (Тирмизи, И. Сүнни)
«Ауру адам қырық рет “Лә илаһә иллә әнтә субханәкә инни кунту минәззалимин” деп оқыса, шәйіт болып қайтыс болады. Жазылса күнәлары кешіріледі.» (Нәджатул-мусалли)
2) Бір нәрседен қорқып қиналған адам «Хасбиаллаһу уә нимәл уәкил» деуі керек. Хадис шәрифтерде былай делінеді:
«”Хасбиаллаһу уә нимәл уәкил” сөзі барлық қорқыныш үшін амандық болады.» (Дәйләми)
«Қиыншылықтан құтылу үшін “Хасбиаллаһу уә нимәл уәкил” дұғасын оқыңдар!» (И. Мәрдәуәйһи)
«Азанда және кешке жеті рет “Хасбиаллаһу лә илаһә иллә һу, алейһи тәуәккәлту уә һуә Раббул аршилазыйм” деп оқыған адам дүние және ахырет қиыншылығынан құтылады.» (И. Сүнни)
Қорққан кезде «Лә хаулә уә лә қууата иллә биллаһил алиилазыйм» тәсбихын оқу керек. (М. Раббани)
3) Қарызы бар адам көп истиғфар айтуы керек. Хадис шәрифтерде былай делінеді:
«Истиғфар (әстағфируллаһ) айтып жүретін адам күн көріс тапшылығынан құтылады және ойламаған жерінен ризықтарға қауышады» (Ибн Мажә)
«Үйге кірерде Ихлас сүресін оқитын адам кедейлік көрмейді.» (Т. Қуртуби)
«Әр түні Уақийа сүресін оқыған адам кедейлік көрмейді» (Ибн Асакир)
«Қиыншылыққа түскен немесе қарызданған адам мың рет “Лә хаулә уә лә қууата иллә биллаһил алиилазыйм” десе Аллаһу та’ала ісін жеңілдетеді» (Шира)
Қарыздан құтылу үшін «Аллаһуммә әкфини бихәлаликә ән харамикә уә ағнини би фадликә аммән сиуакә» дұғасын оқуы керек. (Йа Рабби мені халалдармен қанағаттанып, харамдардан сақтанатын ете гөр және ұлылығыңмен сенен басқаға мұқтаж болудан сақтай гөр)
Кедейліктен құтылу үшін «Лә хаулә уә лә қууата иллә биллаһил алиилазйым» тәсбихын көп айту керек. (Тәғриб-уссалат)
