«Porsche» компаниясының тарихы

«Porsche» компаниясының негізін қалаған адам - Фердинанд Порше. 1898 жылы Фердинанд «Лонер» атты конструкторлық бюроның бастығы болып, темір тұлпарлардың жобалауын басқарған.

1906 жылы Порше "Даймлер" компаниясында жетекшілік атқарған. Сол уақытта билікке Адольф Гитлер келген. Осы кезеңде Германия автоөндірісі басынан қиын жағдайларды кешіп жатқан болатын. Олардың басты мақсаты – өзінің басты бәсекелесі американдық «Фордты» басып озу болатын. Гитлер 1934 жылы Фердинанд Поршеге халықтың қалтасы көтеретін көлік шығаруға бұйрық берген. Көп ұзамай неміс автосалондарынан «Volkswagen» маркалы темір тұлпарлар көрінді.

Екінші дүниежүзілік соғыс басталып кеткендіктен, Порше әскери техниканың жобалауы мен құрастыруын өз мойнына алған. Соғыстан кейін Фердинанд Франциядағы түрмеге түсіп, біраз өмірін сонда өткізді. Қамаудан босатылған Порше көп ұзамай жаңа спорттық көліктің жобалауын бастап кетеді. Фердинандтың баласы әке жолын қуып, көліктердің жобалауын өз қолына алды. Сөйтіп, Порше 35 а.к. қозғалтқышы бар алғашқы сериялық «Porsche 356» құрастырды. 1948-63 жылдары осы үлгінің 80 мың данасы жарық көрді.

Өткен ғасырдың 70 жылдары «Porsche» құрамындағы үш ірі компания бірігіп, «Porsche AG» құрды. Ал 1975 жылы жанармайды аз тұтынатын «Porsche 924» құрастырылды. 1977 жылдың наурыз айында 8 цилиндрлі «Porsche 928» халық назарына көрсетілді. Порше темір тұлпарлары Париж – Дакар, Ле Ман сынды ірі көлік бәйгелерінде талай рет жеңіске жетіп, авто әуесқойлардың махаббатын жаулап алған. 1995 жылы жарық көрген «Porsche 911Targa» үлгісі қымбат болғанымен, өз сатып алушыларын тапты. «Porsche» компаниясының соңғы үлгілерінің бірі – «Porsche Carrera GT». Жеңіл әрі берік металдан жасалған қозғалтқыш көлікті 100 ш/сағ дейін 4 с уақытта үдетеді.

Дереккөз: массагет.кз сайты

 

 

 

Әлеуметтік желілерде бөлісіңіз:

Пікір қалдыру үшін сайтқа кіріңіз!